თავდაცვის ყოფილი მინისტრი, ჯუანშერ ბურჭულაძე ჯარის ძარცვიდან წილს ირაკლი ღარიბაშვილთან იყოფდა

როგორც გენერალური პროკურორის მოადგილემ, ამირან გულუაშვილმა განაცხადა, ჯუანშერ ბურჭულაძემ ქრთამის სახით მიღებული  მილიონ ნახევარიდან, 750 ათასი თავად დაიტოვა, ხოლო თანხის მეორე ნახევარი ქრთამის სახით ხელზე გადასცა ირაკლი ღარიბაშვილს.

უფრო კონკრეტულად, გამოძიების თანახმად, ზემოხსენებული შესყიდვებისა, შესაბამისი გარანტიებისა და მფარველობის სანაცვლოდ, შესყიდვებში მონაწილე ბიზნესმენმა რამდენიმე ეტაპად ვასილ მხეიძეს ნაღდი ფულის სახით გადასცა მთლიანი სახელშეკრულებო ღირებულებების დაახლოებით 10% - 1 900 000 ლარი, საიდანაც ამ უკანასკნელმა პირადი სარგებლის სახით დაიტოვა 400 000 ლარი, ხოლო დარჩენილი თანხა სრულად გადასცა ჯუანშერ ბურჭულაძეს. ამ უკანასკნელმა ქრთამის სახით მიღებული 1 500 000 ლარიდან, 750 000 ლარი დაიტოვა თავად, ხოლო თანხის მეორე ნახევარი - 750 000 ლარი რამდენიმე ეტაპად ასევე ქრთამის სახით ხელზე გადასცა ირაკლი ღარიბაშვილს.